بعد تصدرها التريند.. محمد مهران يشكر صناع حكاية “فوتوشوب”

حرص الفنان محمد مهران على توجيه رسالة شكر إلى صناع حكاية “فوتوشوب” إحدى حكايات مسلسل “زي القمر” وذلك بعد تصدرها محركات البحث جوجل.

وكتب محمد مهران عبر حسابه الشخصي على موقع التواصل الاجتماعي فيس بوك: “من اكتر المشاهد اللي صدقتها وقولتها من قلبي مش في المسلسل وبس لا بشكل عام في التمثيل فعلا في لحظة كنت منفصل عن الواقع اللي انا فيه نسيت الكاميرا والتصوير والناس اللي حواليا، ربنا ما يكتب علي حد فراق اي شخص بيحبه”.

وأضاف: “بشكر ربنا سبحانه و تعالي انه خلاني امتهن المهنة العظيمة اللي انا شغال فيها.. مهنه اقدر اعبر فيها عن المشاعر الانسانية بشكل حقيقي، شكرا للمنتجة مها سليم انك وثقتي فيا وخلتيني اقدم الدور ده و دشكرا اكتر واكتر لكلامك الايجابي اللي كنت كل يوم بسمعه منك في التصوير، بجد فرق معايا”.

وتابع: “شكرا للمؤلف مصطفي جمال هاشم مؤلف حكاية فوتوشوب.. شكرا لصديقي من الدراسة من أيام ما كنا لسه طلبة في المعهد أيام ما كان لسه بنحلم ونجتهد للوصول لهذه اللحظة المخرج شادى عبدالسلام بجد انت اجتهدت وتعبت وهقولهالك للمرة المليون أن الله لا يضيع أجر من أحسن عملا، شكرا يا عاشور، من مديرين التصوير الشاطرين وانسانيا متتوصفش، شكرا عبير بدراوي الاستايلست علي تركيزك وتعبك شكرا لكل شخص تعب انه يخلي المسلسل يطلع بالشكل ده ويساهم اننا نخاطب مشاعر الناس بصدق.. زى القمر، فوتوشوب”.

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *