خالد عليش بعد شائعات احتجازه وعروسته في جنوب أفريقيا: شهر العسل باظ

رد المذيع والفنان خالد عليش عن الشائعات التي طالته خلال الأيام الماضية أثناء قضاء شهر العسل مع زوجته المذيعة ميرهان عمرو في جنوب أفريقيا.

وكتب “عليش” عبر حسابه الشخصي على موقع التواصل الاجتماعي فيس بوك: “السادة الزملاء من الصحفيين والإعلاميين.. انا مقدر جدا لجهودكم انكم توصلوا لمعلومة في إطار إنكوا بتطمنو علينا، بس الواقع هو إن إحنا الحمد لله كويسين”.

وأضاف: “حقيقي ماكنش في داعي للعناوين الرنانة والمصطلحات الغريبة شهر العسل قلب غم محتجزين شهر العسل باظ، لحد الوقت اللي بكتب فيه ده، احنا بخير و الاجازة بتاعتنا زي ما هي خلصناها قبل الميعاد بيوم بس و البرنامج السياحي عملناه كله”.

وتابع: “ورجعنا الحمدلله و عملنا تحليل في مطار القاهرة قبل الدخول تطبيقا للاجراءات الوقائية الجديدة اسمه ID NOW وطلع سلبي الحمدلله وهنستكمل الاجراءات الاحترازية اللي تم ابلاغنا بيها من الجهات المختصة.. المصريين يقدرو يروحو ويجوا جنوب أفريقيا عادي مع إجراءات وتعليمات”.

واستكمل: “لأن مصر الطيران لغت رحلة واحدة بس اللي بتيجي وتروح جوهانسبرج ودي مكانتش طيارتنا أساسا.. ليه عايزين نكد وغم بالعافية.. احنا بننزل ستوريز وبنضحك ومبسوطين، ليه مصممين ان احنا في نكد، الستوريز والصور اللي بنزلها مش عشان تاخدوها تعملو عليها خبر، شاهد خالد عليش بيشرب عصير برتقال، ما ذنب القارئ و مدى الإفادة !! اخر خبر نزل من شوية.. أول مصري مصاب بالسلالة الجديدة علي طيارة خالد عليش”.

واختتم رسالته قائلا: “أولا انا مالي بتحط اسمي في الخبر ليه؟ ثانيا معلوماتك غلط دي احتمال تكون الطيارة اللي قبلي بس الأكيد إنها مش طيارتي
طيارتي فيها ١٢ راكب فقط جايين من جنوب أفريقيا كلهم طلعو سلبي.. أخيرا نتمني السلامة للجميع و اتباع الاجراءات المتبعة من الجهات المعنية”.

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *