اغلب البنوك المركزية في العالم اتجهت لتحويل احتياطاتها النقدية لذهب.. ياتري اية سر التحول ده.. واية تاثير اتجاه البنوك المركزية في عدد كبير من دول العالم لتحويل احتياطاتها النقدية لذهب علي الاسعار.

الفترات اللي فاتت العالم كله شهد تقلبات جوهرية غير مسبوقة، والبطل فيها كان الرئيس الامريكي العائد للبيت الابيض من جديد دونالد ترامب، واللي من وقت رجعه وهو بيخرج بقرار لها صدي جامد جدا علي الاقتصاد العالمي، كان أولها قرار فرض رسوم جمركية جديد علي البضائع العالمية الواردة للسوق المصري والقرار ده عمل أزمة في الاقتصاد العالمي بشكل خاص، قبل ما البيت الأبيض يصدر قرار جديد بتعليق تطبيق الرسوم الجمركية الأخيرة لمدة 90 يوم علشان الأمور تهدي شوية.

الرئيس الأمريكي ترامب بعدما اصدر قرار بمضاعفة وزيادة الرسوم الجمركية علي البضائع الصينية ووصل اجمالي الرسوم الجمركية الجديدة لـ104% والصين ردت علي القرار الأمريكي بزيادة جديدة في الرسوم الجمركية علشان توصل رسومهم الجمركية الجديدة لـ125‏% ، والقرارات الأمريكية الصينية كان لها صدي عالمي كبير برضوا علي الاقتصاد العالمي.

" title="صراع شرس على اقتناء الدهب.. سر اقبال البنوك المركزية على المعدن النفيس" frameborder="0">

قرارات ترامب العنترية تضمنت كمان عزمه اقامة رئيس البنك المركزي الفيدرالي الامريكي، والقرار ده والقرارات اللي كانت قبله عملت أزمة عالمية للدولار الامريكي، وسعره نزل الأرض في أغلب دول العالم، والانخفاض العالمي وعدم الاستقرار خلي عدد كبير من البنوك المركزية حوالين العالم تاخذ قرار بتحويل جزء كبير من احتياطاتها النقدية لذهب، خصوصا ان الذهب هو الملاذ الامن، وفي الفترة اللي فاتت حقق مكاسب كبيرة جدا في الأسعار، وكل التوقعات بتقول أن الوقت اللي جاي الذهب هيكون سعره أعلي بكتير من الأسعار الحالية.

القرارات اللي اخذتها عدد كبير من البنوك المركزية العالمية، خلت سعر المعدن الأصفر يوصل لأرقام قياسية لأول مرة في تاريخ، وسجلت سعر الأوقية 3500 دولار، وده رقم كبير جدا، والارتفاعات دي انعكست علي الاسعار المحلية في كل دول العالم واللي مصر واحدة منهم واللي ارتفع فيها سعر جرام الذهب عيار 21 واللي هو الأكثر مبيعا وانتشارا في مصر خصوصا في القري والمحافظات لأكثر من 5 الاف جنية في وقت من الاوقات.