الحكومة عندها خطة انها توصل لـ30 مليون سائح مع نهاية 2025، وعلشان توصل للرقم ده عملت حاجة هتغير خريطة السياحة العالمية بشكل كامل..

ياتري اية هيا الحاجة دي وازاي مصر هتحقق حلم الـ30 مليون سائح.

مصر عندها حلم أنها تحقق 30 مليون سائح وتحقق ايرادات 30 مليار دولار من القطاع في 2028، وعلشان الحكومة توصل للرقم ده شغالة علي اكثر من حالة لجذب انتباه السائحين حوالين العالم لاختيار مصر من بين كل دول العالم، أو حاجة من خطة الحكومة لاستهداف السائحين حوالين العالم هو الافتتاحات والاكتشافات الاثرية الجديدة اللي الحكومة بشكل منتظم بتعلن عنها يوم ورا التاني واللي هيكون اهمها افتتاح المتحف المصري الكبير والي هيكون اكبر متحف للاثار في منطقة الشرق الاوسط واللي هيتم افتتاحه بشكل رسمي يوم 3 يوليو اللي جاي، واللي هيحضره عدد كبير من ملوك ورؤساء ورؤساء حكومات عدد كبير من دول العالم.

لحد اللحظة دي الحكومة متكتمدة علي تفاصيل حفل افتتاح المتحف المصري الكبير والمفاجات اللي هتكون في حفل الافتتاح وده بهدف تشويق الناس حوالين العالم لحفل الافتتاح، خصوصا ان الحكومة عايزة تكرر المفاجات الي عملتها في حفلي نقل المومياوات الملكية من المتحف المصري الكبير للمتحف القومي للحضارة وافتتاح طريق الكباش بالاقصر، والحكومة بتستهدف الوصول لـ5 مليون سائح جديد من الافتتاح الرتقب للمتحف المصري الكبير.

طيب هل في حاجة تانية الحكومة شغالة عليها في الوقت الحالي علشان تزود عدد السائحين اللي جايين مصر؟.

ايوة طبعا في حاجة مهمة كمان الحكومة شغالة عليها في الوقت الحالة وهيا التاشيرات الاضطرارية، ودي عبارة عن تاشيرة السائح بياخذها وقت وصوله للمطار، وحاليا الدولة بتطور ابليكشن هيقدر السائح من خلال ياخذ التاشيرة بدون ما يقف في طوابير ويستني ختم الدخول وده خدمة الدولة هتقدمها للسائحين لرفع كفاءة الخدمات المقدمة لهم في المطارات.

المنظومة الجديدة واللي الدولة شغالة عليها لتسهيل الحصول علي التاشيرات الاضطرارية قائمة علي وجود رمز كود تعريفي بالمطارات المختلفة هيقدر من خلال المسافر ياخذ تاشيرة الدفع ويدفع قيمتها إلكترونياً بشكل فوري،  أو من خلال ماكينات للخدمة الذاتية واللي هيتم توفيرها في بمنافذ الوصول أو عن طريق تطبيق إلكتروني على الهاتف المحمول هيتم تصميمه للغرض ده.