في تصريح جريء عبر حسابه على "فيس بوك"، علّق الفنان صبري فواز على أزمة إغلاق عدد من بيوت وقصور الثقافة والمكتبات في مصر، معتبرًا أن هذه المؤسسات الثقافية تمثل "الجدار الأخير في الحرب ضد الظلام"، مطالبًا بفتح المجال أمام الشباب لإحياء هذه الأماكن بدلاً من إغلاقها.
قال فواز: "اللي بيحصل في موضوع قصور الثقافة خطير جدًا، لأنها المتنفس الوحيد للفن والمعرفة في كل مكان على أرض مصر. إحنا عندنا 563 موقع بين قصر وبيت ثقافة ومكتبة، لكن اللي بيشتغل فعليًا منهم 220 بس، والباقي 343 موقع معطلين، لأسباب مختلفة، منها الصيانة زي اللي في الفيوم، ومنها اللي مقفول بدون سبب زي اللي في كفر الشيخ والمنصورة."
وأوضح أن وزارة الثقافة قررت إغلاق 123 موقعًا بدعوى أنها مؤجرة أو متهالكة، مؤكدًا أنه رغم تفهّمه لبعض هذه الأسباب، إلا أن الحل ليس في الإغلاق بل في تطوير الرؤية واستغلال الطاقات الشابة.
وأضاف صبري: "أنا ابن الثقافة الجماهيرية، وعارف إن فيها موظفين مش بيشتغلوا، وفيها ناس بتنور. ليه ما نفتحش الباب أمام الناس اللي عندها طاقة وشغف؟ في شباب عاملين بيوت ثقافة متنقلة وبيقدموا محتوى رائع للأطفال والناس بمحبة وإخلاص، من غير ما يكلفوا الدولة جنيه، افتحوا ليهم البيوت وسيبوا الموظفين يسهلوا ليهم المهمة."
واقترح فواز حلولًا مبتكرة لتمويل هذه البيوت بدلًا من إغلاقها، قائلاً: "ليه ما ندخلش نظام الإعلانات زي باقي القطاعات في الدولة؟ أي مُعلن هيفرح يتعامل مع شبكة كبيرة زي دي موزعة على مستوى الجمهورية. لو اللوايح مانعة ده نغيرها."
واختتم فواز رسالته برسالة قوية قائلاً: "إحنا مش محتاجين نغلق قصور الثقافة، إحنا محتاجين نضاعفها 10 مرات! إحنا 110 مليون، ولازم يكون عندنا مؤسسات ثقافية كفاية لكل الناس."
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
0 تعليق