مصر حققت المعادلة الصعبة، ودخلت صناعة جديدة كانت غايبة عنها لسنين وهيا صناعة الذهب، ودلوقتي في دولة دخلت بثقلها في صناعة الذهب في مصر وهتخلي مصر دولة من اكبر دول العالم في صناعة وتصدير الذهب.

علي مدار سنين طويلة ومصر كانت بعيدة كل البعد عن مجالات تصنيع وتشكيل المشغولات الذهبية وكان الذهب بيخرج من مصر عبارة عن مادة خام وغالبا بيكون من منجم السكري، واللي كانت مصر بتصدره لدول أوروبا خصوصا هولندا وبعدين نرجع نستورده تاني في شغل مشغولات ذهبية بارقام كبيرة جدا وطبعا بيكون بالدولار، وده كان بيستزف الفاتورة الاستيرادية المصرية خصوصا ان الاستيراد كان بالدولار.

التوجيهات الرئاسية الجديدة واللي  هيا بتستهدف زيادة الصادرات المصرية في كل القطاعات، بدات الحكومة تترجمها علي ارض الواقع، وده تحول اغلب القطاعات الموجودة في الدولة لقطاعا بدخل انتاج في الناتج القومي المصري، وده اللي بيدأ الحكومة تطبيقه في قطاع الذهب لما فتحت الاستثمار في قطاعات الذهب قدام القطاع الخاص واللي دخل في المجال ده بكل قوة وبقت مصر بتضم عدد كبير من كبري الشركات العالمية، واللي بقت بتصنع انواع كتيرة من المشغولات الذهبية واللي غطت السوق المحلي وبقي عندنا فائض للتصدير.

طيب امتي مصر هتبدأ تصدر مشغولات ذهبية للخارج؟.
خلال اول شهرين من العام الحالي، مصر ضاعفت صادرات مصر من الذهب بنسبة 9 مرات بما يوازي 882%، وسجلت 2.08 مليار دولار، وحاليا قيمة صادرات الذهب المصرية خلال شهري يناير وفبراير الماضيين عادلت إجمالي صادراته في الـ9 شهور الاوائل من 2024، وكمان بتعادل بنسبة 63% من صادرات قطاع الذهب خلال السنة اللي فاتت واللي وصلت لـ 3.26 مليار دولار.
الأمارات في الوقت الحالي بتعد من أكبر الدول المستوردة للذهب المصري واستوردت منتجات بقيمة 1.85 مليار دولار، وسويسرا كمان رفعت وارداتها من الذهب المصري لـ 48% في شهري يناير وفبراير اللي فاتوا .

الصادرات المصرية من المشغولات الذهبية والذهب الخام حاليا بتوصل لـ 26 دولة، بس الإمارات وسويسرا بيستحوذوا علي 99.4% من إجمالي الصادرات، باجمالي 89% لسويسرا و10% للأمارات وبعدهم تركيا والتي بتيجي في المركز الثالث بأجمالي واردات بتوصل لـ6 مليون دولار، وكندا في المركز الرابع بأجمالي 1.7 مليون دولار، ولبنان في المركز الخامس باجمالي ورادات بتوصل لـ1.4 مليون دولار.

طيب اية حكاية الشركة الصينية الجديدة اللي هتغير خريطة صناعة وتصدير الذهب في مصر؟.
الشعبة العامة للذهب والمجوهرات استضافت اجتماع مهم جدا مع وفد واحدة من أكبر الشركات العالمية المتخصصة في تصنيع وتجارة الذهب والمجوهرات ، والهدف من الزيارة دي هو بحث تطوير قطاع الذهب والمجوهرات في مصر، وزيادة تنافسيته من خلال فتح قنوات تعاون مع الكيانات الدولية الكبرى، واستقطاب الخبرات والتقنيات الحديثة، خصوصا في ظل الطفرة اللي بيشهدها السوق المحلي بعد إطلاق مشروع دمغ الذهب بالليزر، وتوسع الدولة في إنشاء مدينة متكاملة لصناعة الذهب بالعاصمة الإدارية الجديدة.