تشهد أسعار اللحوم الحمراء في الأسواق ارتفاعًا نسبيًا قبيل عيد الأضحى، بما يتراوح بين 10% إلى 20% مقارنةً بالعام الماضي، بحسب ما أكده محمد ريحان، عضو شعبة القصابين في اتحاد الغرف التجارية، والذي أرجع الزيادة إلى ارتفاع تكاليف التربية والنقل، وزيادة أسعار الأعلاف.

سعر اللحوم الضاني

وقال ريحان، في تصريح لـ"الرئيس نيوز"، إن سعر كيلو الضأن يبدأ حاليًا من 450 جنيه ويصل لـ500 جنيه، ويختلف بحسب المنطقة السكنية، وأوضح:"الناس بتفكر إن اللحمة الأغلى معناها جودة أعلى، لكن الحقيقة إن الأسعار بتختلف من حي للتاني حسب المستوى الاجتماعي للمكان، مش شرط الجودة، يعني ممكن تلاقي نفس نوع اللحمة بيتباع في حي بـ450 وفي حي تاني بـ500 جنيه".

وأضاف أن المناطق الراقية تشهد أسعارًا أعلى بسبب ارتفاع الإيجارات وتكاليف التشغيل، مشيرًا إلى أن محلات الجزارة مضطرة لتحميل جزء من هذه التكاليف على السعر النهائي للمستهلك.

سعر كيلو الكندوز

أشار عضو الشعبة إلى أن أسعار اللحم الكندوز لم تشهد زيادات ملحوظة مؤخرًا، رغم قرب موسم عيد الأضحى، حيث يتراوح الكيلو حاليًا بين 430 و450 جنيهًا، وهي نفس الأسعار تقريبًا خلال الأسابيع الماضى، الطلب على الكندوز أقل من الضاني في موسم الأضاحي، خصوصًا إن بعض المواطنين بيلجأوا للضاني كأضحية، وبيشتروا الكندوز للاستهلاك فقط".

الخروف الحي يبدأ من 12 ألف جنيه

كشف ريحان أن سعر كيلو الخروف الحي وصل إلى 220 جنيهًا، مقارنة بـ210 جنيهات في نفس الفترة من العام الماضي، وأضاف:"سعر الخروف الحي ذو الحجم المتوسط بيبدأ من 12 ألف جنيه وبيوصل لـ18 أو 20 ألف، حسب الوزن، الوزن بيبدأ من 40 كيلو وممكن يوصل لـ80 كيلو أو أكتر، الزبون هو اللي بيحدد حسب ميزانيته، لكن حاليًا الناس بتدور على الأوزان المتوسطة عشان السعر".

وأوضح عضو شعبة القصابين أن الإقبال على الشراء لا يزال ضعيفًا حتى الآن، مشيرًا إلى أن ذلك أمر طبيعي في بداية الموسم:"الموسم لسه بيبدأ، وبعض الناس لحد دلوقتي بتسأل على الأسعار لكن لسه ما اشترتش، بنتوقع إن الإقبال يزيد بداية من الأسبوع الجاي مع صرف المعاشات، وقبل العيد بأسبوع بيبدأ الزحام الحقيقي على المجازر والأسواق".