حرصت الفنانة دنيا سامي، على توضيح التصريحات التي تناولتها في حلقتها مع الإعلامية إسعاد يونس، حول سخرية الفنان مصطفى غريب عنها، والذي أثار موجة من الهجوم ضده.
كتبت دنيا سامي منشور على حسابها الشخصي عبر موقع التواصل الاجتماعى لتبادل الصور والفيديوهات عبر خاصية الاستوري الانستجرام، “بالنسبه للبوستات المنتشره اللى مشيرو حلقتي مع أستاذه إسعاد يونس اللي أنا بقول فيها إن مصطفى غريب بيتريق عليا وبيقول عليا وحشة وده طبعاً جاب لمصطفى الكلام والشتيمه”.
وتابعت: “اولاً شكراً على دفاعكوا عني بس أنا اصلاً مش زعلانة من حاجة وأنا ومصطفى صحاب ودفعه واحده وأحنا الاتنين اتمرمطنا زي بعض وأنا كنت بحكي ده بهزار لأني عارفه أني قمر”.
وأضافت: “مصطفى غريب ده أقرب وأجدع وأطيب بني آدم في حياتي وحياو كل صحابه ولو قعدت أتكلم عليه من هنا ل ١٠٠ سنة مش هيكفي والله قد إيه هو ضهري في الحياة”.
وأكدت: “واللى أنا قولته في البرنامج على اللي مصطفى بيقوله عليا ده هزار بین أی صحاب فى أى شله وأنا الحمد لله معنديش عقد ومش حتى عندي عقد ومش عارفه ومش عندي عقد هتظهر بعد كده”.
وأشارت: “هو بجد مفيش حاجه واصلاً لو كملتو باقى الحلقه مع استاذه اسعاد هتعرفو اننا مسكناه تريقه وتقطيع اكثر من اللى هو بيهزر فيه معايا بكتير، ولو سمحتو محدش فى الدنيا يشتم مصطفی غریب غيري”.
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
0 تعليق