حبيبى الرئيس.. كل يوم بيعدى تزيد غلاوتك عندى واشتقلك واحبك.. الأحداث فى الشرق الأوسط تثبت ان مصر هى القلب والعقل والثقة.. مصر مش اى حد ومش زى أى حد.. شكرا حبيبنا عزيز مصر.. الأحداث كلها تثبت ان مصر لديها افكار ورؤية استباقية تسبق الجميع.. شكرا حبيبى  الرئيس ونتحدث عن الآتى:- 

١- احنا ف نعمة اسمها " الأمان " تخيل العالم كله مشغول وقلقان من الصواريخ الإيرانية واحنا ف مصر الحرية والأمان  شاهدنا ماتش الاهلى وميامى بكاس العالم للاندية وبين الشوطين قلنا عايزين نشوف صواريخ إيران عاملة ايه ف العالم.. الحمد لله على نعمة الأمان وشكرا حبيبى الرئيس وربنا معاك  .. شكرا يا افندم على جعلنا فى شعور دايم بالأمان 

٢- الحكومة ومحافظ البنك المركزى عملوا اجتماع لبحث زيادة المخزون الاستراتيجي للسلع والأمور الضرورية.. وهذا  كان تعليمات عزيز مصر من شهور طويلة وتعليماته بالاستعداد والجاهزية.

٣- الجاهزية القتالية هى اساس النجاح.. هو فيه حد قادر يبص ناحيتنا.. اسمنا لوحده رعب ليهم.. شكرا عزيز مصر 

٤- المفاجأة المتميزة التى حدثت بتفعيل شبكة الانذار المبكر.. مين فكر يعملها.. مين بيفكر فينا حتى واحنا نايمين زى عزيز مصر.. حبيبى الرئيس.. شكرا من القلب.

٥- وهنا السؤال للمواطن وانت بتشوف الأحداث دى.. ألا تشعر بنعمة الأمان؟ ومش ح اسأل عن باقى النعم التى نعيشها.. ح تقولى يوجد معاناة اقتصادية احيانا.. ح اقولك انت عايش ف بلد ومؤسسات ونظم ودولة واقفة على رجليها.. طب رأيك ايه فى الدفاعات الجوية المخترقة فى سوريا والعراق وايران.. ٣ دول السماء مفتوحة مكشوفه ؟  شكرا حبيبي  الرئيس وربنا معاك. 

٦ - عندنا تأمين امتحانات وتأمين حدود وتأمين الداخل واستعدادات قتالية تحسبا لأى مستجدات والدنيا كلها ماشية زى الفل بدون اى ضجيج.. مين كدا غير مصر وبس.. تحيا مصر.. لكن امنيتي من الدولة والبنك المركزى.

١- عدم الاندفاع نحو رفع سعر الدولار بسبب تلك الازمة لأن المصريين من الخارج راجعين اجازة بخلاف السياحة العربية فلا قلق من خروج بعض الأموال الساخنة.. 

٢- اهل الخليج جايين مصر بفلوسهم بحثا عن الاستقرار والأمان ف نتمنى طرح فرص استثمارية ذات قيمة مالية لهم لدعم الاقتصاد المصرى.

٣- استغلال الازمة لدعم الاحتياطى النقدى المصرى بجذب الاستثمار الخليجى والعربى الباحث عن الأمان فى مصر 

٤- مزيد من خفض الفائدة فى يوليو لدعم الاستثمار المحلى والأجنبي لأن رفع الفائدة يخدم اللى معاه فلوس فقط.

٥- خفض الفائدة الى ٢٠% يدعم الاقتصاد.حيث يتضاعف الدين العام فى خمس السنوات بدلا من ٤ سنوات حاليا وهذا يدعم الاقتصاد