اسعار صرف الدولار في الوقت الحالي بتواجه أزمات كبيرة جدا في العالم كله وكل يوم تنخفض عن اللي قبله الا عندها هنا في مصر... السعر اما يرتفع أو ثابت.. يا ترى ايه السر وامتي اسعار صرف الدولار هتخفض في مصر.
السياسيات النقدية الحديثة اللي الرئيس الأمريكي دونالد ترامب بيحاول يطبقها عاملة مشاكل كبيرة جدا علي المستوي الدولي فيما يتعليق بالرسوم الصينية خصوصا أنها موجه لدولة واحدة دولوقتي ودولة بتعد من اقوي الدول الاقتصادية علي مستوي العالم بشكل كامل وعلي مستوي القارة الآسيوية بشكل خاص وهيا الصين واللي اعلنت عن حرب تجارية هيا كمان علي الولايات المتحدة الأمريكية والدولار بشكل خاص وبدأت تطبق سياسات نقدية للحد من سيطرة الدولار والبعد عن التجارة مع السوق الأمريكي والتعامل بالعملات المحلية للدول، وده بسبب الرسوم الجمركية الأمريكية اللي اقرها ترامب مؤخرا علي الواردات الصينية.
السياسيات النقدية الجديدة للرئيس ترامب متوقفتش علي المستوي الخارجي بل كمان فتحت جبهة داخلية بإعلان نتيه عزل رئيس مجلس الاحتياطي الفيدرالي الأمريكي جيروم باول والتهديدات دي اثرت علي وضع الدولار كعملة عالمية مهمة لكل دول العالم بشكل كامل وعلي وضعها داخل السوق الاقتصادي الأمريكي.
التصريحات اللي أعلنها ترامب كان لها صدي جامد جدا علي سوق الاقتصاد الامريكي، وفي عدد كبير من صناديق التحوط بدأت تتخلص من الدولار وده عمل ضغط على العملة الأمريكية علشان تنزل لأدني لها في 4 سنين تقريبا مقارنة بالعملات التانية، ده غير أن العقود الآجلة للمؤشرات الأمريكية انخفضت وبسرعة كبيرة جدا، واغلب المؤسسات والصناديق الدولية بدأت تتخلص من الدولار بسبب الهزة الكبيرة اللي موجودة لاسعار الدولار في العالم كله، واللي اثرت علي سعر صرفه.
طيب اية اللي بتعمله الولايات المتحدة علشان تحاول تلم الأزمة دي شوية ؟.
السلطات الأمريكية في الوقت الحالي بتحاول تعيد الثقة في الدولار عند المستثمرين، خصوصا ان تراجع الدولار انتقل للبورصة واللي حققت خسائر كبيرة جدا، والمستثمرين الأمريكيين طلبوا بترفع عائد السندات الأمريكية علشان يوقفوا التخلص من الدولار، وكمان طلبوا فايدة أكبر للاحتفاظ بالسندات الأمريكية.
طيب ليه لحد اللحظة دي اسعار الدولار لسه مرتفعة عندنا في مصر ؟.
علي الرغم من كل اللي بيحصل في العالم كله، والتراجع اللي بيحصل في سوق صرف الدولار الا انه سعر لسه مرتفع عندنا هنا في مصر ولسه سعر صرف الدولار بيسجل فوق الـ51 جنية، وخبراء الاقتصاد أكدوا أن انخفاض سعر صرف الدولار في مصر مرتبط بأكثر من حاجة أولهم وأهمهم هيا نجاح الحكومة في سداد التزاماتها الدولية للجهات المختلفة أولهم صندوق النقدي الدولي خصوصا أن الحكومة مطالبة خلال الفترة الحالية بسداد 43.2 مليار دولار كديون وفوائد ديون خلال 2025 ودي رقم كبير ولازم مصر تسدده علشان تفضل متلزمة بخطة سداد ديونها الخارجية.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
0 تعليق