ظهرت الفنانة مي كساب في فيديو طريف بـ رفقه ابنتها فريدة، وهي تشاركها الغناء بأغنية " إحنا أهو"، التي طرحتها مؤخرا مع زوجها أوكا.
مي كساب وابنتها
رصد موقع تحيا مصر الفيديو الذي نشرته الفنانة مي كساب على منصة تيك توك، وهي تغني إحنا أهو وتغني معاها ابنتها فريدة دون أن تظهر على الشاشة، وتحرص دائما مي كساب على إخفاء ملامح أولادها وظهورهم على سوشيال ميديا.
نجاح أغنية إحنا أهو
يذكر أن أغنية إحنا أهو تم طرحها خلال الفترة الماضية، وحققت تفاعل كبير على مواقع التواصل الإجتماعي، خاصة أنها التعاون الغنائي الأول بين مي كساب وأوكا بعد فترة من الغياب
تأتي كلمات أغنية "إحنا أهو" على النحو الآتي:
يا اللي حاولتوا وعيدتوا وزيدتوا
وغيرتوا الوشوش وكذبتوا
يا ناس عايزة تفرقنا
أديكم خسرتوا ما كسبتوا
احنا أهو فل أهو ورد أهو
عزوة أهو صحبه أهو لمة أهو
أيوة أهو إحنا العلامة
كنتوا فين رحتوا فين
مش شايفين غدارين أفعين
حسادين مش سالكين بالسلامة
يا اللي أنتم مش حابين تسمعوا
بتغلوا مني وهتفرقعوا
ما يجيش في بالكم في يوم ترجعوا
ومهما تيجي تقول لي يا ريت
مديت إيديا أنا اتعضيت
اديت كتير ولا مرة فضيت
ده بس ربع عشان جضيت
مع السلامة خلاص عديت
ده اللي ياما اديناهم واستحملناهم
كان الغل جواهم ولا بان
دايما إحنا اللي لينا
من ده اللي يجي علينا
لا عاش ولا كان
طلعت هلس ونتاش
غلطت يوم فيك عليت
عمال بتسرح بالناس
صدقت كدبك فـ ياريت
نرجع زمان بالايام
طب قولي كان اسمك فين
باسمي حقق أحلام
ما أنا اللي جبته وديت
إحنا أهو فل أهو ورد أهو
عزوة أهو صحبه أهو لمة أهو
أيوة أهو إحنا العلامة
كنتوا فين رحتوا فين
مش شايفين غدارين أفعين
حسادين مش سالكين بالسلامة
عايش دلوقتي في السعادة
ما بقتش كئيب كالعادة
وما بشربش قهوة سادة
حلوه وسكرها زيادة
فرحان وعامله هوليلة
مش من نقرة لدحديرة
ما فيش هموم ولا درويلة
ما فيش أهم من العيلة
دلوقتي فاهمة الحياة
الدنيا وردي وأنا عايشه حياتي
ده اللي محتاجة له
ولا فارق لي ولا
بقيت أعاني ده كان
ماضي رميته ورا وراح لحاله
بطلنا ليه بطلنا نلوم
بقينا أخف عرفنا نعوم
والوش نور مش مهموم
راضيين بالحال
كفتنا تكسب ألفين كوم
ولو وقعنا في مره نقوم
ولا حوق ولا فارق يوم
إحنا أهو فل أهو ورد أهو
عزوة أهو صحبه أهو لمة أهو
أيوة أهو إحنا العلامة
كنتوا فين رحتوا فين
مش شايفين غدارين أفعين
حسادين مش سالكين بالسلامة
0 تعليق