يا ترى إيه طبيعة المشروعات الجديدة اللي بتتنفذ في المنطقة الاقتصادية لقناة السويس، وإجمالي الاستثمارات هيكون كام، وإزاي هتخدم الاقتصاد الوطني وتدعمه الفترة دي.

في الأيام الأخيرة، المنطقة الاقتصادية لقناة السويس، وقعت اتفاقية مع شركة "ويلو فيرو Willow Ferro" الهندية، عشان عقد تنفذ مشروع مشروع جديد اسمه "ويلو فيرو" الهندي للصناعات المعدنية بمنطقة الإسماعيلية شرق وادي التكنولوجيا التابعة للهيئة في سيناء.

والمشروع ده بيقع على مساحة 40 ألف متر مربع، وبتوصل استثماراته ل 25 مليون دولار، وهيقدر يوفر 120 فرصة عمل مباشرة.

أما بقى الطاقة الإنتاجية للمشروع، فبتوصل ل 36 ألف طن سنويًّا من منتجات السيليكون منجنيز، وكمان بيبدأ المصنع في فترات التشغيل الأولية بإنتاج الفيرو سيليكون، والفيرو كروم.

ونقدر نقول إن المشروع ده بيجي تطبيقه تنفيذًا لتوجيهات القيادة السياسية بالعمل على تنمية سيناء، وفي إطار استكمال جهود الهيئة المتواصلة لتحقيق الهدف ده، من خلال المواني والمناطق الصناعية التابعة لها في نطاق سيناء.

وحاليا، الهيئة بتمتلك في سيناء 3 مواني، هي (شرق بورسعيد والعريش والطور) ، ومنطقتين صناعيتين واعدتين هما (منطقة شرق بورسعيد، ومنطقة الإسماعيلية شرق "وادي التكنولوجيا").

كمان، المنطقة الاقتصادية لقناة السويس مهتمة جدا بجذب استثمارات عالمية متنوعة لمنطقة الإسماعيلية شرق الواعدة في سيناء، ونجحت لحد دلوقتي في توقيع عقود نهائية لإنشاء 3 مشروعات في مجال الصناعات المعدنية ومواد البناء بمنطقة وادي التكنولوجيا، ووصلت استثماراتها الإجمالية بإضافة المشروع الموقع اليوم، لحوالي 42 مليون دولار.

والمشروعات دي بتقع على مساحة إجمالية بتوصل 135 ألف متر مربع، وبتتيح 770 فرصة عمل مباشرة، وكمان من المنتظر توقيع المزيد من المشروعات قريب جدا ، عشان تكلل جهود مؤسسات الدولة متمثلة في إنشاء مدينة الإسماعيلية الجديدة.

ونقدر نقول كمان إن الجهود التنموية دي بتساهم في تمكين المنطقة الاقتصادية لقناة السويس من أدواتها الاقتصادية كلها، واللي هي 6 مواني على البحرين المتوسط والأحمر، و4 مناطق صناعية ولوجستية بتتكامل في بينها لتحويل الهيئة لوجهة مفضلة للاستثمار العالمي، بالإضافة لكونها المركز اللوجستي الرائد عالميًّا خاصة في ظل جهود رقمنة الإجراءات الجمركية وخدمات الشباك الواحد المقدمة للمستثمرين.