ناس كتير بتسال عن مستقبل الاستثمار في شهادات الادخار.. ياتري الدنيا رايحة علي فين.. وهل البنك المركزي هيأخذ قرارات مستقبلية بخفض الفايدة.
الاستثمار واخد من الحاجات اللي بتشغل بال ناس كتير جدا في الوقت الحالي خصوصا الناس المهتمة بالاوعية الادخارية سواء كانت شهادات ادخارية في البنوك أو الاستثمار في الذهب أو الاستثمار في قطاعات العقارات، وده بعد القرار المهم اللي اخذه البنك المركزي بخفض أسعار الفائدة بنسبة 225 نقطة، والقرارات اللي تبعتها البنوك بخفض أسعار الفايدة علي الشهادات الادخارية بالبنوك.
قرار البنك المركزي بخفض أسعار الفائدة خلت الناس تعيد حساباتها بخصوص الاستثمار في الشهادات الادخارية خصوصا ان القرار ده بنسبة كبيرة هيتبعه قرارات تانية في الوقت اللي جاي بخفض جديدة لأسعار الفايدة، وبالتالي الناس اللي بتستثمر فلوسها في الشهادات الادخارية خسائرهم هتزيد، وفي ناس كتير بدأت تعيد حساباتها وتغير الأوعية الادخارية للاستثمار والاتجاه الأكبر كان الاتجاه للإستثمار في الذهب أو العقارات والذهب كان له نصيب الأسد خصوصا أن استثمار مضمون وحقق ارتفاعات كبيرة علي مدار الشهور اللي فاتت، ده غير أن الاستثمار في العقارات محتاج فلوس ومبالغ كبيرة بتتعدي الملايين خصوص أن ثمن أقل شقة حاليا محتاج رقم كبير، ده غير أن إعادة بيع العقارات في المستقبل بيحتاج وقت كبير علي ما العميل يلاقي المشتري يوصل كمان للسعر اللي محدده، ده غير كمان أن سوق العقارات في مصر في الوقت الحالي بتعاني من انخفاض شديدة في حركة البيع والشراء بسبب الفقاعة العقارية اللي بيعاني منها سوق العقارات في مصر، ده غير أن نسبة كبيرة من الناس اتجهت لشراء شقق سكنيه عم طريق الإعلانات المتتالية اللي أعلنت عنها وزارة الإسكان والمرافق العمرانية واللي خلال الفترة إللي فاتت عملت مهرجان اعلانات لبرامج الإسكان المختلفة سواء كان إسكان فاخر أو إسكان متوسط أو حتي إسكان اجتماعي.
طيب مستقبل الاستثمار في شهادات الادخار رايح علي فين ؟.
اقبال المواطنين علي الاستثمار في شهادات الادخار في الوقت الحالي بقي منخفض جدا في الوقت الحالي مقارنة بالسنين اللي فاتت، خصوصا بعد قرار البنك المركزي بخفض أسعار الفايدة ، خصوصا أن كل التوقعات بتقول ان اغلب القرارات اللي جاية واللي هتخرج عم لجنة السياسات النقدية بالبنك المركزي هتكون غالبا بخفض جديد لأسعار الفايدة أو علي أقل تقدير بتثبيت الفايدة علي وضعها الحالي.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
0 تعليق