الاقتصاد الأخضر والمشروعات الخضراء، واحدة من اهم الملفات اللي الحكومة بتحاول بكل الطرق التوسع فيها في السوق المصري أهمهم الهيدروجين الأخضر.. ياتري اية هو الهيدورجين الاخضر واية خطة مصر للتوسع في إنتاجه.

زي ما أحنا عارفين أن مصر عندها مشاكل في نقص الوقود وانتاج الكهرباء، والحكومة شغالة علي أكثر من حل لمواجهة النقص ده واحد من الحلول دي هو انتاج الهيدروجين الأخضر كواحد من المحاور الرئييسية للتحول  للطاقة المتجددة، وده إطار رؤية الدولة لتحقيق التنمية المستدامة والتحول للاقتصاد الأخضر.

وعلشان مصر توصل لهدفها، فالحكومة أطلقت استراتيجية طموحة لإنتاج الهيدروجين الأخضر بحلول  2040، وتم تشكيل المجلس الأعلى للطاقة وبعديه الحكومة أطلقت الاستراتيجية الوطنية للهيدروجين الأخضر واللي بتستهدف إنتاج 5.8 مليون طن سنويا من الهيدروجين الأخضر، والإنتاج ده مستهدف أنه يستحوذ علي نسبة هتتراوح بين 5 و8% من السوق العالمية وهيساهم في خفض انبعاثات الكربون بمقدار 40 مليون طن سنويًا، وكمان هيوفر اكثر 100 ألف فرصة عمل، وهيساهم في زيادة الناتج المحلي الإجمالي بقيمة هتتراوح من 10 إلي 18 مليار دولار سنويا.

" title="هنحقق 18 مليار دولار سنويا شوف خطة مصر لإنتاج الهيدورجين الأخضر وتصديره للعالم" frameborder="0">

طيب اية هو الهيدروجين الأخضر ده وازاي الحكومة هتتوسع في انتاجه؟.
الهيدروجين الأخضر هو واحد من أنواع الطاقات الجديدة والمتجددة، وبيتم انتاجه عن طريق التحليل الكهربائي من خلال عملية بيتم فيها تقسيم الماء إلى عناصرها الأساسية الهيدروجين والأكسجين باستخدام تيار كهربائي، والكهرباء المستخدمة في العملية دي بتكون مصدرها الطاقات المتجددة زي الطاقة الشمسية وطاقة الرياح، والدول حاليا بتصنفه وقود المستقبل بسبب كونه وقود نظيف وقابل للتخزين وشهل جدا نقله لمسافات بعيدة.

جزء كبير من خطة مصر لإنتااج الهيدروجين الأخضر قايله علي استغلال الموقع الجغرافي المتميز لمصر، خصوصا أننا قريب جدا من أسواق دول الاتحاد الأوروبي والشرق الأوسط والبي بتشهد طلب كبير على الهيدروجين في السنين اللي فاتت، وكل التوقعات بتقول أنه هيكون في زيادة في الطلب الأوروبي على الهيدروجين الأخضر هتتراوح من 3% إلي 20 % في الفترات اللي جاية، ده غير كمان استغلال موارد الطاقة المتجددة الوفيرة، خصوصا أن مصر عندها إمكانيات كبيرة في طاقة الرياح والشمس خصوصا في مناطق خليج السويس والزعفرانة وأسوان لتوليد الكهرباء المستخدمة في انتاج الهيدوروجين الأخضر من طاقات الشمس والرياح.