الفترة اللي جاية مصر هتكون وجهة الاستثمارات الخارجية وخصوصا استثمارات الخليج... ياتري اية اللي هيخلي مصر تكون وجهة رئيسية للاستثمارات الخليجية... واية سببها زيادتها في الوقت الحالي.. واية المجالات المتسهدفة للاستثمارات الجديدة في مصر.

من كام ساعة الرئيس عبدالفتاح السيسي انتهي من جولة خارجية شملت كل من قطر والكويت، واللي كانت بهدف بحث وتعزيز العلاقات السياسية والاقتصادية واللي شهدت نجاح كبير جدا في الوصول لأهدافها خصوصا بعد البيانات الرسمية المتشركة اللي صدرت عن مصر والدول اللي زراها السيد الرئيس واللي اكدت علي التوافق اللي تم بين زعماء الدول، واللي كلتت بتوقيع عدد كبير من مذكرات التفاهم.

جولة الرئيس عبدالفتاح السيسي الخليجية لكل من قطر والكويت زي ما شملت ناقشات كبيرة علي مستوي المسئولين في القيادات السياستين في البلدين، شملت كمان لقاء الوزراء هناك ورجال الأعمال والمستثمرين، والحقيقة دي فرصة الرئيس عمرها ما ضيعها ، خصوصا أنه بيكون حريص في كل جولاته الخارجية علي لقاء المستثمرين واصحاب رؤوس الأموال الأجنبية وبيقعد معاهم وبيعرض عليهم الفرص الاستثمارية المتاحة لهم في السوق المصري، وكمان بستعرض التحفيزات اللي قدمتها الدولة المصرية لدخول القطاع الخاص والاستثمار الأجنبي للسوق المصري، والتسهيلات الكتيرة اللي قدمتها الحكومة سواء من تخصيص الأراضي اللازمة لبناء وتشغيل المشروعات أو تراخيص التشغيل وللي الحكومة بتقدمها علي طبق من الماظ للشركات تحت اسم الرخصة الذهبية واللي الحكومة حاليا بتمحنها لشركات القطاع الخاص واللي بتكون كافية للبناء والتشغيل في وقت واحد.

" title="استثمارات خليجية بمليارات الدولارت هتدخل السوق المصري شوف اية حكايتهم" frameborder="0">

الجولة الخليجية للرئيس عبدالفتاح السيسي شملت التواصل لاتفاق مع قطر علي دخول استثمارات طرية جديدة لمصر بقيمة هتوصل لـ7.5 مليار دولار، ودي استثمارات جديدة هتدخل مصر في الوقت الحالي في مجالات مختلفة، وده وفقا للاتفاق اللي تم بين الرئيس السيسي ونظيره القطري تميم بن حمد آل ثاني أمير دولة قطر، والاستثمارات دي هتعمل رواج اقتصادي كبير في السوق المصري في الفترة اللي جاية، وهتكون سبب في انتاج وتشغيل عدد كبير من المصانع والشركات اللي هتنتج منتجات محلية كتيرة، وهتوفر الآلاف من فرص العمل للشباب المصريين .

في الوقت اللي الرئيس عبدالفتاح السيسي بيقوم بجولة خليجية، الحكومة هيا كمان كان عندهم زيارة مهمة جد لوفد غرف اتحاد الغرف السعودية، واللي كان بيضم أكثر من 100 شركة مختلفة كلهم نازلين مصر يشوفوا اي الفرص المتاحة قدامهم واللي ممكن يدخلوا ويحطوا فلوسهم واستثمارتهم فيها، وفعلا وفد الغرفة عمل اكثر من اجتماع مع وزراء ومسئولين في الحكومة المصرية، وتعرفوا علي فرص الاستثمار المتاحة قداهم في السوق المصري، وتعرفوا علي التسهيلات اللي قدمتها الحكومة لزيادة الصادات وتشجيع دخول القطاع الخاص لمشاركة الحكومة في البرنامج الاقتصادي المصري، ومتوقع خلال الشهور اللي جاية نشوف نشاط غير طبيعي للشركات الخليجية والعربية في مصر.