تحدثت الفنانة كندة علوش، عن علاقتها بزوجها الفنان عمرو يوسف، مشيرة إلى أن زواجهما مستمر منذ ثماني سنوات، وأنه على مدار تلك السنوات تعلمت الكثير، وأهمه "متى وكيف ؟  تقول ماتريد  ".

اقرا ايضا ..كندة علوش: مشاركتي في مسلسل “إخواتي” بدراما رمضان مغامرة حقيقية

وقالت  علوش ،خلال لقائها مع الإعلامية لميس الحديدي في برنامج كلمة أخيرة على قناة ON:"أنا بطبعي صريحة جداً، مش بس مع عمرو، لكن مع كل الناس. ولو ما قلتش اللي جوايا، بزعل وبتأثر ، لكنها اعترفت أن صراحتها أحياناً كانت "قاسية أو فجّة"، وهو ما جعلها تندم في بعض المواقف.مع الاصدقاء  .

وقاطعتها لميس الحديدي:"ممكن تعملي كده مع عمرو؟ خصوصًا إن معظم الرجالة مش بيحبوا النصيحة!"فردت كندة:"فعلاً عمرو مش بيحب النُصح، بس عنده ميزة حلوة إني مع الوقت فهمته. بقيت أعرف أختار الوقت والطريقة. لو قلتله حاجة وقت انفعاله، بخسر. وأنا مش بطبيعتي دبلوماسية، أنا برج ناري ، وهو برج الحمل، ومش سياسي بطبعه.".

وأضافت:"تعلمت أأجل الكلام لبعد ما يهدأ، وأصيغ اللي عايزة أقوله بطريقة أهدى. وده مش بس مع عمرو، ده كمان مع أصدقائي. التوقيت والنبرة بيفرقوا جداً في تقبّل الطرف الآخر للكلام.".

وعن الخلافات الزوجية، سألتها لميس:"الخناقات كانت أكتر في بداية الجواز ولا في النص؟" فأجابت كندة:"أكيد في الأول أكتر، لكن مع الوقت كل واحد فينا تطبع بطبع التاني."

أوضحت أنها وعمرو اتخذا قرارًا منذ إنجاب طفلتهما بعدم الدخول في أي خلاف أمام الأطفال،دون أن يكون ذلك كلاماً صريحا   بينهما  إتفاق ضمني  قائلة:"مش بس علشان الأولاد بتلخم الاب ، لكن إحنا لقينا نفسنا متفقين تلقائياً إننا ماينفعش نزعّلهم أو نحطهم في موقف سلبي بسبب مشكلة ممكن تتأجل. بنختار الوقت والمكان المناسب لأي نقاش."