خرج ياسين الأشروبي نجل الفنانة راندا البحيرى، عن صمته لأول مرة، ونشر بوست عبر صفحته الرسمية " فيس بوك" وكتب قائلًا: “أنا ياسين الأشروبي.. أيام ان شاء الله وهتم ال ١٥ سنه.. شاب مصري من حي الجيزة.. مواليد ميدان التحرير وسط البلد.. عيشت واتربيت في وسط البلد والجيزه وليا أصحاب في مصر كلها.. إبن الفنانه والأم الجميله راندا البحيري.. وأنا كلي فخر إني إبنها.. أنا كل اللي عايز أقوله حاليًا إني مش هسيب ماما في اللي هي فيه”.
نجل راندا البحيري: أمي كانت بتصدر الوش المبسوط لكن كانت بتعاني قوي
وتابع: “وفي الُظلم اللي هي بتتظلمة يوميًا.. أنا إتظلمت كتير وكلكم عارفين من مين.. وهي كمان اتظلمت كتير اوي اوي.. ودايما كانت هي بتصدر الوش المبسوط وانها مش متضايقه وكده.. انما كانت بتعاني من حاجات كتير ومن مضايقات”.
واستكمل خلال منشوره: “وكانت بتتتهدد وكان بيحصل معاها حاجات كتير وحشه اي حد مكانش يتحملها.. ربنا يخليكي ليا يا ماما ودايما تكوني في أحسن حال وربنا ما يحرمنا من بعض أبدًا”.
وانهالت التعليقات من قبل متابيعه، ومن بينها علقت راندا البحيرى على ابنها قائلة: يا حبيبي ربنا يخليها ليا ويبعد عننا كل الناس الوحشة.
0 تعليق