استغاث عدد من قاطني أحد العقارات في شارع الزهور المتفرع من شارع حسني مبارك بمنطقة زهراء مدينة نصر، جراء تعرضهم لواقعة نصب، بعد بيع العقار محل سكنهم لأحد الأشخاص، ورغبة الأخير بالحصول على العقار وإخلاله من السكان.

سكان عقار بمدينة نصر يستغيثون بعد تعرضهم للنصب  

وروى محمود أحمد أحد السكان في تصريحات خاصة لـ زائد نيوز، تفاصيل الواقعة قائلاً: «إحنا مجموعة ناس غلابة، اشترينا شقق بعقود رسمية، وخلصنا تشطيبها من جيبنا، وسجلنا العقود في الشهر العقاري، يعني كل حاجة ماشية بالقانون، ومفيش أي حاجة غلط».

وتابع الساكن: « فجأة كده، من غير سابق إنذار، نلاقي لجنة اسمها “لجنة تمكين” جاية تسلم العمارة كلها لواحد إحنا لا نعرفه ولا شفناه قبل كده، وبيقول إنه مالك العقار، إزاي، إزاي وهو ساكت طول السنين دي».

وأضاف: «فين كان وهو شايف شقق بتتبع وتتسجل في الشهر العقاري، وإزاي العقود بتاعتنا تتسجل رسميًا وهو موجود وساكت، وإزاي دلوقتي فجأة ظهر وبيقول أنا المالك».

وأردف: «إحنا مش فاهمين إيه اللي بيحصل، بس اللي إحنا متأكدين منه إننا اشترينا وسجلنا وتعبنا في شققنا، ومش هنسيب حقنا يضيع، بننادي كل الجهات المسؤولة، يبصوا لينا ويسمعونا، وإحنا ناس على باب الله، وبيوتنا مش لعبة في إيد حد، الحقونا قبل ما نتشرد، قبل ما تعبنا يضيع، وقبل ما الظلم يكمل على آخره.