حرصت الفنانة صابرين، على كتابة شهادة حق بشأن أزمة الإعلامية بوسي شلبي والفنان الراحل محمود عبدالعزيز، عبر حسابها بموقع “فيسبوك”.
صابرين تشهد بالحق
قالت صابرين عبر حسابها بموقع "فيس بوك": “شهادة أمام الله مرتين محمود عبد العزيز الفنان المحترم الكبير كلمني علشان زوجته بوسي شلبي صديقتي منذ الطفولة مرة يوم وفاة اختها الإعلامية الكبيرة بنت الأصول أحلام شلبي كلمني للوقوف بجانب زوجته بوسي شلبي”.
وأضافت صابرين: “وتاني مرة، يوم كانت بوسي رايحة تعمل إشاعة لأنهم كانوا فاكرين إن فيه أعوذ بالله مرض خطير لبوسي وكانت رايحة لوحدها من غير ماتقول لحد كلمني محمود وهو يبكي والله على ما أقول واكتبه شهيد إن أجري على زوجته بوسي”.
طفل يبكي على أمه
وتابعت: “واروح معاها علشان مش عاوزة حد يعرف ومحمود كان عارف أن بوسي لازم صديقتها تكون معاها حسيت ساعتها أنه طفل يبكي على أمه ورفيقة عمره وقعدت اهديه واقوله ما تقلقش يا محمود هروحلها وتكون زي الفل وفعلًا عملت الإشاعة والحمدلله طلعت مفيش حاجة وأنها الحمدلله بخير وكنت معاها في المستشفى”.
ذكريات كتيرة بتجمعنا
وأردفت صابرين: “طول ما محمود كان تعبان وطبعًا قبل كل ده ذكريات كتيرة بتجمعنا في فرش بيته أولا اللي في المهندسين وبعدين بيته اللي في زايد كل ده ربنا شاهد عليا ومفيش نقاش تمامًا لتبرئة المحترمة اللي أشهد على حبها الوحيد وأن أول وأخر حب في حياتها كان لزوجها محمود عبد العزيز حتى يومنا هذا لا قبل ولا بعد”.
واختتمت صابرين منشورها قائلة: “بوسي قادرة على أخذ الحق ولكن اللي تعبني جدًا واللي صعبان عليه وحزينة من قلبي عليه هو المحترم والأستاذ الكبير محمود عبد العزيز اللي فارق حياتنا وهو عند الخالق وبعد 9 سنين من وفاته ليه يحصل فيه كده بجد حزينة ومذهولة ومخضوضة”.
0 تعليق