إيه سر التحالف والتعاون بين مصر والصين وليه بيزيد على كل المستويات وازاي التنين الصيني بيرعى إنطلاقة الاقتصاد المصري.. والايام الجاية مخبية ايه في تحالفات الدولة المصرية مع الدول التانية.

 العالم دلوقتي ليشهد تغييرات سريعة وجوهربة على صعيد الاقتصاد ومراكز القوى الاقتصادية والمالية الدولية وخبراء الاقتصاد والسياسة شايفين دلوقتي إن الصين هي اللي بتعيد تشكيل مشهد القوة في العالم على أساس  قوة اقتصادية صلبة وقدرات تكنولوجية متطورة امريكا والغرب مش قادرين يسيروها لأن التطور في الصين سريع جدا وشفنا اللي حصل لما ترامب حاول يتحدى الصين ازاي قلبت الترابيزة في وشه واتضح أن الصين هي اللي بدأت تقود العالم اقتصاديا وأنها القوة الصاعدة.

الحقيقة دي انتبه ليها الرئيس السيسي بدري جدا وبدأ في بناء علاقات استراتيجية قوية مع التنين الصيني بحكم العلاقات التاريخية العميقة بين البلدين وكفاية نعرف إن مصر هي أول بلد في العالم يعترف باستقلال الصين ودا موقف الصينيين مش ناسينه لمصر ويقدروه جدا وكمان في إرث حضاري مشترك لأن الدولتين بيملكوا اقدم حضارات العالم وكمان مواقف الصين المساندة للقضايا العربية.. كل دا وبجانب الصعود السريع للنهضة الصينية كان وراء إقامة مصر علاقات قوية على كافة الأصعدة مع الوحش الآسيوي.

وفي عهد الرئيس السيسي انطلقت العلاقات المصرية والصينية لمستويات جديدة والصين بقت من أكبر المستثمرين في مصر.. ولو هنرجع للارقام هتلاقي إن  عدد الشركات الصينية العاملة في السوق المصري وصلت لاكتر من 2066 شركة بإجمالي استثمارات تجاوزت 8 مليار دولار ودا بيعكس مدى اهتمام الصين بالسوق المصري خاصة بعد انضمام مصر إلى تجمع بريكس وفتح آفاق جديدة للتعاون الاقتصادي بين البلدين.

كمان المنطقة الاقتصادية لقناة السويس بتعتبر نقطة محورية في الاستثمارات الصينية بمصر وقدرت تجذب استثمارات بقيمة تجاوزت 8 مليار دولار وتشكل الصين منها حوالي 40% وفيه منطقة صناعية صينية كاملة في المنطقة بتضم أكتر من 160 شركة صينية في قطاعات متنوعة زي الألياف الزجاجية ومواد البناء ومعدات النفط والأجهزة الكهربائية وتصنيع الآلات والصناعات التكنولوجية والملابس الجاهزة والمواد الكيماوية..وكل يوم الصين بتضخ مليارات جديدة في المنطقة ومتوقع ضخ اكتر من مليار دولار السنة .

والصين أعلنت من وقت قريب عن استمرارا  توسع الاستثمارات الصينية في مصر وشركة “آسيا-بوتاس” الصينية بتخطط لضخ استثمارات تتراوح بين 7 إلى 10 مليار دولار لإنتاج الفوسفات .

طيب ليه مصر اتجهت للصين بالذات عشان تعمل معاها شراكات اقتصادية ؟
الحقيقة اتجاه مصر للصين في ملف الاقتصاد والصناعة والاستثمار ليه اسباب كتير جدا أولها التطور الكبير للصين في كل مجالات الاقتصاد والصناعة المتطورة وتاني سبب إن الصين معندهاش مشاكل في نقل التكنولوجيا لمصر على عكس الغرب وامريكا اللي احتكرو التكنولوجيا ورفضوا نقلها لدول تانية وتالت سبب هو التقارب الكبير بين مصر والصين في السنين الأخيرة ودا لأن الصين اعتبرت مصر أنها مفتاح افريقيا وفرصة للتوسع الصيني في أسواق جديدة وكمان السبت عاوزة تستفيد من البنية التحتية المصرية الحديثة وخاصة الطاقة والموانئ واللوجستيات وخطوط التجارة وقناة السويس عشان تصدر منتجاتها حتى لو عن طريق تصنيعها في مصر والمزيد من التعاون الاقتصادي والشراكات في المستقبل وكمان الصين بدأت تضخ استثمارات ضخمة خارج السوق الصيني وفرصة مصر أنها تجذب أكبر قدر ممكن من المليارات الجاية وتتحول لوحش اقتصادي وصناعي وتجاري في المنطقة.