رد الفنان الشاب نور الشناوي، حفيد العندليب الأسمر عبد الحليم حافظ، على الجدل المثار حول الخطاب المنسوب للراحلة سعاد حسني، والذي أعادت نشره أسرة عبد الحليم مؤخرًا، مؤكدًا أن العائلة لم تسعَ لإثارة الجدل أو تحقيق الشهرة من وراء الأمر.
وكتب نور عبر حسابه الشخصي على "فيسبوك":
"فضلت ساكت كتير احتراما لآراء الناس اللي على راسي، ولكل الانتقادات اللي حصلت خلال الأيام اللي فاتت بخصوص موضوع الرسالة، والكلام اللي اتقال إننا طلعناها عشان التريند أو عشان نتشهر، وده كلام مالوش أي أساس من الصحة".
وأضاف: "الحقيقة إن العيلة مش هي اللي بدأت الكلام ده، لكن في ناس كتير بتحاول تكسب من ورائه، وبتجتهد تثبت جواز ما حصلش، رغم إن مفيش أي إثبات، وكل اللي بيتقال مجرد كلام مرسل".
وشدد الشناوي على حق العائلة في الدفاع عن سمعة العندليب، قائلًا: "من حقنا كأسرة محترمة لما يتقال كلام مالوش أساس من الصحة، إننا نخرج وننفيه، وأي حد مكاننا كان هيعمل كده، عبد الحليم حافظ قيمة فنية كبيرة، ومفيش بيت فنان في مصر حافظ على تراث صاحبه زينا، من مقتنيات وصور وأعمال فنية".
واختتم حديثه برسالة واضحة قائلاً: "مش فاهم، لو الواحد اتجوز هيخبي ليه؟!.. ده كلام مش منطقي، وبنكن كل الاحترام والتقدير للجميع".
يُذكر أن الخطاب المنسوب للفنانة الراحلة سعاد حسني والذي تحدث عن علاقتها بعبد الحليم حافظ أثار جدلًا واسعًا على مواقع التواصل الاجتماعي، خاصة ما تردد عن وجود زواج سري بين النجمين.
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
0 تعليق