حذر عدد كبير من العملاء من منتجات شركة يونيون اير، وسوء خدمة العملاء بها، -على حد قولهم-.
وقالت صاحبة مشكلة مع الشركة،" تجربة سيئة جداً مع يونيون اير مانصحش ابداً بالتعامل معاهم انا اشتريت تلاجة في اخر شهر مارس مكملتش شهرين في خلال الشهرين دول عطلت مرتين مرة اول ماشغلتها كان صوتها عالي وبالعافية حد جه شافها وصلحها وقال انها حاجة بسيطة وبحكم شغلي بسافر كتير رجعت من السفر لقيت التلاجة اللي لسه مابقالهاش شهرين مابتسقعش خالص!!! الفريزر بس بيسقع كانه تلاجة والتلاجة نفسها مش شغالة خالص!! اتصلت بخدمة العملا يوم الاحد اللي فات زي ماواضح في الاسكرين قالولي في خلال ٤٨ ساعة الفني هيكلمك.. لحد يوم الخميس محدش كلمني!! اتصلت قالولي هنبعت حد يوم السبت عشان عندنا ضغط شغل!!! وده مش مبرر اني افضل اسبوع من غير تلاجة عشان هما معندهمش فنيين كفاية!!".
وتابعت،" يوم السبت لقيت حد بيكلمني بيقولي العنوان متسجل ٦ اكتوبر قولتله لا انا في الجيزة قالي لا مش هينفع اجي منطقة الجيرة كل حد ليه منطقة!!! كلمتهم اني واخدة اجازة مخصوص ومستنية قالي لا مش هينفع ابعت حد النهاردة خلاص استني بقي ٧٢ ساعة تاني لحد بقي ماحد يفتكر يكلمك!!! وهي مشكلتهم اصلا ان الشكوى متقدمة غلط سواء العيب المذكور او المنطقة وكأنهم متعمدين ده عشان التعطيل والتأخير!!".
وقالت،" ده غير اني لما طلبت استبدال التلاتة قالولي لو مشكلة ماتتحلش خالص او لو حاجة باظت حوالي ٥ او ٦ مرات اللي هو كلام مش منطقي لان حماية المستهلك بتقول لو المشكلة اتكررت مرة تانية خلال اول سنة ده لو عدوا اول اسبوعين ومحتاجة استبدال او استرجاع..عموماً انا قدمت شكوى في حماية المستهلك وبجد انتوا اسوء خدمة عملا انا شوفتها في حياتي يعني المفروض تلاجة جايباها مكملتش شهرين وتعطل مرتين وكمان محدش بييجي يصلحها وبتعملوا بلاغات غلط عشان يحصل تأخير متعمد ده مش طبيعي ابداً ولا طبيعي ان الشكوى تفضل اكتر من اسبوع اللي هي اصلا وقتها عندهم ٤٨ ساعة!!! فياريت الناس تاخد بالها ان مش بس حاجتكم بايظة لا ده كمان خدمة الصيانة وما بعد البيع سيئة جداً وتعتبر مش موجودة اصلا!!!".
وقال صاحب شكوي أخري،" أسوأ منتجات بجد انا عامله فيهم شكوي لحماية المستهلك بقالي شهرين عشان يجوا ياخدوا التلاجه لانه فيها عيب صناعه وده بعد يجي أكتر من ٨ مرات صيانه للتلاجة في اقل من 6 شهور وللاسف لايوجد احترام للعملاء ولا بيردوا حتي عليكي واي حد بيشتري منهم اي حاجه كانه بيرمي فلوس علي الارض".
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
0 تعليق