اشتكت فتاة من براند أختين الشهير، بعد تجربتها معهم ، مستغيثة بجهاز حماية المستهلك لحصولها على حقها.

وقالت صاحبة المشكلة،" اشتريت شنطة جلد ميتالك دهبي من براند Okhtein، وده براند بيقدم نفسه على إنه “فايف ستار” وفخم (luxury)..لبست الشنطة مرتين بس، وللأسف اللون الدهبي اتقشر بشكل واضح ومحرج.

وتابعت،"لما كلمت خدمة العملاء، الرد كان سطحي ومفيش أي استعداد لحل — لا تصليح ولا حتى تبديل..وبعد كده، صاحبة البراند بنفسها اعترفت إن نوع الجلد ده هش جدًا وإنهم فعلاً وقفوا استخدامه… بس ده طبعًا مش بيحل مشكلة الناس اللي اشتروا فعلاً.

واستطردت،" أنا محبطة جدًا، حطيت ثقتي في البراند ده وكان عندي أمل في الجودة، وفجأة ألاقي شنطة متبهدلة بعد مرتين بس!
ياريت تساعدوني أنشر اللي حصل، علشان محدش تاني يقع في نفس المشكلة..من حقنا نطالب البراندات تتحمل مسؤوليتها لما منتجاتها ما تكونش على المستوى.