تحولت مدرسة حكومية من مكان للتعليم إلى ساحة عنف، بعدما تعرض طالب في الصف الثالث الإعدادي لاعتداء وحشي على يد مدير المدرسة، الواقعة التي حدثت في مدرسة الربع الإعدادية المشتركة – مركز البرلس بمحافظة كفر الشيخ، أثارت موجة غضب عارمة بين الأهالي خاصة بعد أن تم احتجاز الطفل وإهانة والدته، وسط محاولات لطمس الحقيقة.

مدير مدرسة يعتدي بوحشية على طالب

قالت شقيقته الضحية: “أنا أخويا شريف طفل عنده 15 سنة، لسه صغير ولسه بيحلم زي أي طفل في سنه، لكن اللي حصل له النهارده في مدرسته مش هسكت عليه، أخويا اتعرض لجريمة مش تعدي عادي ده كان اعتداء بشع، حصل على إيد مدير المدرسة نفسه، اسمه م.ش.ع”.

وتابعت: “المدير ضرب شريف بمفتاح عربية في دماغه، فتحله جرح عميق خيطوه بـ7 غرز، غير الكدمات في وشه وجسمه، وتحت عينه، وده مش كفاية، ده كمان عضه في ودنه لدرجة إنها اتقطعت من مكانها، وقطع هدومه قدام زمايله والمدرسين”.

وأضافت: “اللي حصل ده كسر قلب أمي، وبدل ما يطمن عليه أو يبلغنا، راح حبسه ساعتين جوا أوضة في المدرسة، وأمي كانت بره بتصرخ مش قادرة تشوف ابنها، مش بس كده، شتمها قدام الناس، وسبقنا على القسم، وراح عمل محضر كيدي يتهمها فيه إنها اعتدت عليه”.

وتابعت: “يعني بدل ما يتحاسب على الجريمة اللي ارتكبها، عايز يلبس التهمة لأم ضعيفة كانت بتحاول تدافع عن ابنها، ولطفل مالوش أي ذنب غير إنه راح مدرسته”.