يا ترى إيه سر تراجع سعر الدهب في مصر بعد ما حقق قفزات تاريخية من بداية السنة دي 2025، ايه هي الأسباب وهل انخفاض الأسعار هيطول معانا شوية ولا لفترة مؤقتة، وإيه هو أنسب وقت للشراء.

في الساعات الأخيرة، سعر الدهب في مصر اتراجع، وده حصل بالتزامن مع مستجدات البورصة العالمية وارتفاع حالة الترقب بسبب القرارات الاقتصادية الأمريكية، خاصة بعد ما الرئيس الأمريكي دونالد ترامب فرض رسوم جمركية على كل دول العالم.

عشان كده، أسعار الدهب العالمية ارتفعت بسبب القرارت دي، واتأثرت بيها الأسعار المحلية عندنا في مصر، لكنها تراجعت في الساعات الأخيرة، وده بيدفعنا لطرح تساؤل مهم، وهو مستقبل الدهب رايح على فين؟

" title="سر تراجع سعر الدهب في مصر بعد القفزات التاريخية..هل حان وقت الشراء؟" frameborder="0">

زي ما قولنا، حصل ارتفاع تاريخي لأسعار الدهب في مصر بعد خفض الفايدة، وسجل عيار 21  قمة جديدة أو ارتفاع تاريخي، لكنه وصل في الساعات الأخيرة ل 4785 جنيه للبيع، و4765 جنيه للشراء، عشان يسجل تراجع بقيمة 5 جنيه مقارنة بأسعار امبارح.

ونقدر نقول، إن رغم التراجع الطفيف اللي سجله الدهب، إلا أن الخبراء شايفين إن الاتجاه العام مازال في تصاعد، وده حصل مدعوم بالمخاوف من التوترات الجيوسياسية العالمية، وقرارات السياسة النقدية في الولايات المتحدة.

كمان، المحلليين شايفين إن أي استقرار في أسعار الدهب هيكون مؤقت، طالما استمر الغموض حول مستقبل الدولار الأمريكي وحرب الرسوم الجمركية.

وحاليا، أغلب التوقعات عن سعر الدهب، بتقول إن هيحصل استمرار لحالة التذبذب في أسعار الدهب على المدى القريب، مع وجود احتمالات كبيرة لارتفاعات جديدة في حالة تفاقم التوترات التجارية بين أمريكا وشركائها، خاصة مع استمرار ضعف الدولار عالميا.

وبرضو، الخبرا بيتوقعوا إن سعر الأونصة عالميا هيتخطى حاجز ال 3400 دولار قريب جدا، في حالة استمرار الحرب التجارية واستمرار تذبذب الدولار، لأن أسعار الدهب في مصر هتظل مرهونة بالتغيرات العالمية، وخصوصا حركة الدولار، وأسعار الفايدة، والمخاوف الجيوسياسية.

عشان كده، أي شخص عايز يشتري أو بيبع دهب، لازم يتابع الأسعار بشكل لحظي على القنوات الرسمية والمواقع المتخصصة، وده مع الأخذ بعين الاعتبار الفروقات في المصنعية بين المناطق المختلفة.