حذر الإعلامي أحمد شوبير لاعب والأهلي منتخب مصر السابق بأن الكرة المصرية مقبلة على أزمة كبيرة قد تأدي إلى أنهيار نظام بطولة الدوري العام بالكامل.

وقال أحمد شوبير في تصريحات إذاعية: “أهو من بدري أنهرضا الإثنين 12 مايو 2025 إحنا داخلين على مصيبة سودا في الدوري المصري العام أنا بقول أهو اللهم هل بلغت اللهم فأشهد”.

وأشار شوبير: “إحنا قولنا الموسم ده موسم استثنائي عشان مش عرفين نكمل الدوري وبقت حاجة صعبة، مباريات إفريقيا تصفيات كأس عالم، وقلت من بداية السنة فكره إنك تلعب دوري من 19 نادي دي فكرة كارثية مشفتهاش قبل كدا إلا في تركيا وكانت بسبب الزلزال وأحد الأندية أنسحب وكدا، وبعدين بقا هنسيب جميع الدوريات الكبري مثل ألمانيا وأنجلترا والسعودية والأمارات.

واوضح شوبير:”وحاليا في مصر بنفكر كيف يتم إلغاء الهبوط ، أحنا الكارثة اللي هتحصل قريبا إن شاء الله انتظروا الكارثة لإن خلاص بدأت الأمور كله يكلم وبيقول إلغي الهبوط”.

وتابع شوبير: “الهبوط أساسا كان 3 فرق وبعدها أصبح 2 ثم أصبح واحد، ودلوقتي بتفكر تلغي الواحد دا وعليه هتلغي في الدرجات الأدني وهتشقلب نظام الكرة المصرية بالكامل وهندخل على كارثة اسمها تغيير نظام كرة القدم في مصر إلى ما هو أسوأ القادم أسوأ”.