كشف الفنان كريم فهمي عن مشاعره المتباينة تجاه نجاحه في مسلسل “وتقابل حبيب”، مؤكدًا أنه ظل يشعر بالقلق طوال عرض الحلقات، ولم يطمئن إلا بعد انتهاء الحلقة الأخيرة.

وقال “فارس” في حواره لبرنامج “كلمة أخيرة” على فضائية “أون إي” اليوم الاثنين: “فضلت طول الوقت قلقان، رغم النجاح مع تصاعد الحلقات، ومقدرتش استمتع فعلاً إلا لما خلصت الحلقة 30 عشلان أبقى مطمن “، موضحًا أنه كان يعمل على مشروع درامي آخر، لكنه قرر التوقف عنه مؤقتًا للتركيز على شخصية “فارس أبو العزم” في “وتقابل حبيب”.

وأضاف: “رجعت بعد كده أكمل المسلسل التاني وأنا بقول لنفسي لازم اشتغل ضعف المجهود عشان أحافظ على النجاح اللي حققته، وده ممكن يكون السبب إن خطواتي أبطأ من غيري شوية.”

وردًا على سؤال الإعلامية لميس الحديدي، حول إذا ما كان يستمتع بنجاحه، قال كريم: “النجاح لحظة وخلاص، بحمد ربنا كتير، لأنه إداني أكتر من تعبي، أنا اشتغلت وتعبت، بس اللي حصل ده كرم من ربنا مش شطارة مني، وكان ممكن مفيش حاجة تنجح خالص.”

واختتم حديثه بتعبير عن فلسفته الشخصية في التعامل مع النجاح: “دائمًا بقول لنفسي: الحمد لله، أنت ناجح، أسكت بقى واشتغل على اللي جاي، النجاح بييجي بقلق لأن اللي جاي لازم يكون أحسن.”