يا ترى إيه سر التدفقات الكبيرة للدولار على مصر في الفترة الأخيرة، وإيه السر اللي عملته الحكومة عشان تقدر تجذب الأرقام الخيالية دي في وقت قصير جدا، وهل ده معناه إن خطة الإصلاح الاقتصادية ماشية صح وبكل مرونة، وإن الجنيه المصري بيستعيد مجده وبيسترد عرشه من جديد؟ 

في الفترة الأخيرة، مصر استقبلت سيولة دولارية كبيرة جدا، وكان مصادرها حاجات كتيرة زي تحويلات المصريين العاملين في الخارج، وكمان ارتفاع حجم الصادرات، بجانب الاستثمار الاجنبي المباشر، والسياحة والمساعدات من المؤسسات الدولية وغيرها.

وفي الساعات الأخيرة، شهدت تحويلات المصـريين العاملين بالخارج بعد سنة من الإجراءات الإصلاحية اللي نفذتها الحكومة المصرية، قفزة تاريخية غير مسبوقة، وارتفعت بمعدل 72.4% وبمقدار 13.7 مليار دولار عشان تسجل 32.6 مليار دولار.

كمان، ارتفعت التحويلات دي خلال فبراير 2025 للشهر ال12  على التوالي بأكتر من الضعف، عشان توصل ل 3.0 مليارات دولار (مقابل نحو 1.3 مليار دولار خلال شهر فبراير 2024، والتدفقات دي ماحصلتش من سنة تقريبا.

وطبعا، الفلوس دي بتأكد ثقة المصريين في الخارج في الجهاز المصرفي المصري خاصة بعد قرار تحرير سعر الصرف، وكمان بتوفر سيولة دولارية في مصر، هتنعكس بشكل إيجابي في إعادة التوازن للجنيه المصري وتقويته بشكل كبير.

برضو، حصل نمو في إيرادات السياحة بنسبة 12% إلى 9 مليار دولار، وتدفق الاستثمارات الأجنبية المباشرة بنسبة 9% إلى 6 مليار دولار، وده ساهم بشكل كبير في تعزيز ميزان المدفوعات للنصف الأول من العام المالي الحالي، وبيأكد حدوث تحسن ملحوظ في الإيرادات الدولارية لمصر.

أما الصادرات غير النفطية المصرية، فشهدت هي كمان نمو سنوي بنسبة 19% عشان تسجل 16 مليار دولار، وطبعا كانت في قطاعات زي الأسلاك والكابلات، والملابس، والألومنيوم، والفواكه وغيرها، ده غير تحقيق قيمة صادرات في سنة 2024 تجاوزت ولأول مرة 40 مليار دولار، وبنسبة ارتفاع بلغت 14%، عشان كده مصر سددت مئات الملايين من الدولارات لصندوق النقد، والصندوق أرسل رسالة ثقة للعالم في الاقتصاد المصري، وده سبب تاني ببعزز من قوة الجنيه وبيأكد أن اللي جاب بتاع الجنيه.

ضيف على كل ده، الاستثمار الأجنبي المباشر، واللي حقق معدلات نمو متزايدة، وتحديدا في السنة المالية 2023/ 2024، حصلت طفرة غير مسبوقة بتسجيله معدل نمو  361% مقارنة بـ12.4% خلال العام المالي اللي قبله، ده غير التدفقات الكبيرة من رؤوس الأموال الأجنبية نتيجة توقيع أكبر صفقة استثمار مباشر بإجمالي 35 مليار دولار بين مصر والإمارات لتطوير وتنمية مدينة "رأس الحكمة".

عندك كمان، الاستثمار الأجنبي المباشر حقي صافي تدفق للداخل بلغ نحو 2.7 مليار دولار خلال الربع الأول من العام المالي 2024/ 2025، مقابل نحو 2.3 مليار دولار خلال الربع المناظر له من العام المالي اللي قبله.

كل ده غير المنح اللي قدمتها مؤسسات دولية لمصر، زي منحة البرلمان الأوروبي ب 4 مليون يورو، فكل ده هيساهم في توفير السيولة الأجنبية في مصر، وبالتالي هيستعيد الجنيه المصري هيمنته وسط العملات التانية.