رد نجم نادي الزمالك والمنتخب المصري حازم إمام على تصريحات رئيس لجنة التخطيط بنادي الزمالك الكابتن احمد حسام ميدو.
حازم إمام يرد على تصريحات ميدو
وقال حازم إمام بشأن تصريحات ميدو: ميدو طلع إمبارح مع الزميل العزيز إبراهيم عبد الجواد، وفي ناس أخدت كلامه إنه قال إن في حد داخل النادي مش بيساعد
وتابع إمام: عايز أقول إن ميدو بيكن كل الاحترام والتقدير لكل أعضاء مجلس إدارة الزمالك، بالعكس لجنة التخطيط جت عشان تساعد وتساند الناس، مش تعمل خلافات بين هنا وهناك، بس أنتم عارفين، لما بيحصل هزيمة أو إخفاق، بيبقى في خلافات أو اختلافات الناس بتطلعها
وأشار عضو لجنة التخطيط بنادي الزمالك: أنا اتكلمت مع الكابتن حسين وقلت له الكلام ده، إن إحنا جايين نعمل حاجة، والأساس إن يكون في هيكل لقطاع كرة القدم وتجيب مدير رياضي ومدير تعاقدات، وتحت المدير الرياضي يكون في كشافين، وتحليل بيانات وإحصائيات
واستكمل حازم: يعني نعمل هيكلة كاملة لإدارة الكرة في الزمالك، من الناشئين لحد الفريق الأول والمدير الرياضي هيكون مسؤول مع المدرب عن الاستراتيجية، والأهداف القريبة والبعيدة، ومين يصعد للفريق الأول ومين يتباع
وواصل: إحنا جينا عشان نساعد ونساند في وقت معين، لكن فكرة إنك تعتمد على أشخاص وقت الزنقة ده طبيعي
وقال: كان في سيستم قبل كده، بس مش بالشكل اللي إحنا عايزينه من ناحية قطاع الناشئين وشوفنا برشلونة مثلًا، 90٪ من لاعيبتهم من أبناء النادي مش زي ريال مدريد أو باريس، برشلونة عندهم أحسن قطاع ناشئين في العالم
وتابع: أنا قصدي إن لجنة التخطيط مش جاية تزاحم أو تاخد اللقطة وكل واحد في مكانه كويس، ولو الكلام ده اتنفذ والنادي اشتغل بيه، إحنا هنكون برا .. سواء أنا أو ميدو أو عمرو الجنايني
واختتم:مش عايزين نكون موجودين، السيستم يمشي والدنيا تشتغل من غير حازم وميدو، حتى لو مجلس الإدارة اتغير وجيه مجلس تاني وده التفكير الحقيقي للجنة التخطيط.
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
0 تعليق